[toki pona music] len noka wan li kama weka (A Sock Went Missing feat. Raine Rena)

ike suli a! len noka wan pi jan Rena li kama weka! D: jan Rena li wile pali e seme? o lukin e sitelen tawa ni! :P --- nimi: len noka wan li kama weka (kepeken jan "Raine Rena") kalama musi en sitelen: jan Sate jan kalama: jan "Raine Rena" mama pi jan "Rena": jan "suyu" https://www.youtube.com/@UtauReizo sina wile sona e ijo namako pi kalama musi la, o lukin e lipu ni: https://sadale.net/tok/76/ sina wile ante e kalama musi ni la sina kin li ken lukin e lipu ni. --- nimi mute: mi jo e len jaki mute mi weka e jaki ni ilo pi weka jaki la ona li pini len noka wan li kama weka li kama weka anpa supa la lon ala insa poki la ona li lon ala lupa la lon ala len noka wan li kama weka li kama weka anpa lipu la lon ala monsi lupa la ona li lon ala ma ali la lon ala mi lukin e lupa suno mi len noka wan li lon poka ona taso ijo li ike suli ona li sama ala len noka tu li kama weka li kama weka anpa supa la lon ala insa poki la ona li lon ala lupa la lon ala len noka tu li kama weka li kama weka anpa lipu la lon ala monsi lupa la ona li lon ala ma ali la lon ala mi pilin e ni: jan ala li lukin e noka mi mi o kepeken len noka ni lon tomo sona ali o pona a! jan sewi o pali pona! jan ala o sona e mi! taso jan poki mi li kama sona ona li kalama pakala suli a! jan ali li kama sona jan sona li kama sona jan lili pi tomo poka li sona soweli li sona pakala suli a! jan ali li kama sona jan sona li kama sona jan lili pi tomo poka li sona soweli li sona a! a! a! a! a! a! a! a! a! a! a! a! a! a! a! a! a! a! a! a! a! a! --- Title: A Sock Went Missing feat. Raine Rena Music, Artwork, Animation: Sadale (jan Sate) Vocal, Character: Raine Rena Original Creator of Raine Rena: suyu https://www.youtube.com/@UtauReizo English blogpost with remix material: https://sadale.net/en/76/